Duais Eorpach Charlemagne don Óige

Is gradam í an duais a dhéanann Parlaimint na hEorpa i gcomhpháirt le Fondúireacht Dhuais Idirnáisiúnta Charlemagne in Aachen a reáchtáil, agus leagtar béim leis an duais ar thionscadail daoine óga chun an daonlathas a neartú agus chun tacú le rannpháirtíocht ghníomhach.

An bhfuil tú i do chónaitheoir san Eoraip, idir 16-30 agus ag obair ar thionscadal a chuidíonn le múnlú na hEorpa? Thiocfadh leat a bheith ar an mbuaiteoir de Dhuais Eorpach Charlemagne don Óige! Cuir iarratas isteach le do thionscadal, faigh suas le €7500, agus faigh an cuidiú is gá chun do thionscamh a fhorbairt tuilleadh.

Tá an Duais ag tacú le tionscadail spreagúla daoine óga ar fud an Aontais. Gach bliain roghnaíonn coistí roghnúcháin náisiúnta agus Eorpacha 27 dtionscadal náisiúnta, ceann ó gach Ballstát, agus tugtar cuireadh do na 3 cinn is fearr san Eoraip freastal ar shearmanas bronnta in Aachen.

Cuideoidh na ‘ceisteanna coitianta’ leat freagraí a fháil ar cheisteanna a d’fhéadfadh a bheith agat faoi Dhuais Eorpach Charlemagne don Óige agus faoina nós imeachta iarratais.