KIF TISTA' TIEĦU SEHEM?
L-ewwel stadju: irbaħ proċess ta' għażla nazzjonali!
Il-proċedura tal-għażla hija organizzata mill-Uffiċċji ta' Kollegament tal-Parlament Ewropew u tista' tvarja skont l-Istat Membru tiegħek. Kemm il-pajjiżi applikanti kif ukoll dawk eks Stati Membri tal-UE huma eliġibbli biex jieħdu sehem. Jekk tixtieq tapplika u tirċievi aktar informazzjoni dwar il-proċedura tal-għażla u r-rimborż tal-ispejjeż tal-ivvjaġġar, jekk jogħġbok ikkuntattja lill-Uffiċċju ta' Kollegament lokali tiegħek.
Jekk sfortunatament ma tintgħażilx, ikollok terġa' tapplika fl-edizzjoni li jmiss. Madankollu, hemm ċans li wieħed jipparteċipa online. Ikkuntattja lill-organizzaturi ta' Euroscola.
Iżda l-ewwel nett, fittex pajjiżek fil-lista tagħna jekk tixtieq tipparteċipa fl-għażla:
It-tieni stadju: reġstrazzjoni
Ladarba l-iskola tiegħek tkun rebħet il-kompetizzjoni nazzjonali, tista’ tirreġistra għall-avveniment. Sabiex nivvalidaw il-parteċipazzjoni tal-istudenti kollha, ġentilment nitolbu lill-għalliema jibagħtu l-formola tar-reġistrazzjoni lill-ġenituri tal-istudenti permezz tal-link ipprovdut fl-email ta’ konferma. Għalhekk kull parteċipant se jkollu aċċess għall-pjattaforma tal-Istħarriġ tal-UE u se jkun iggwidat tul il-passi biex iħejji r-reġistrazzjoni tiegħu. Il-proċess kollu huwa sempliċi u jieħu biss ftit minuti. Jekk għandek xi mistoqsijiet, iċċekkja l-mistoqsijiet frekwenti.
It-tielet stadju: Ipprepara ruħek qabel il-ġurnata l-kbira!
Biex igawdu bis-sħiħ mill-programm Euroscola, l-istudenti jeħtiġilhom ikunu familjari mal-elementi bażiċi ta’ kif taħdem l-Unjoni Ewropea u l-politiki li se jiddibattu fis-sessjonijiet ta’ ħidma. Ma għandekx għalfejn tkun espert iżda jekk tkun taf xi affarijiet minn qabel, tħossok aktar komdu u tgawdi l-esperjenza bħala: Membru veru tal-Parlament Ewropew! Agħti daqqa t’għajn lejn id-dokument preparatorju għas-sessjonijiet ta’ Euroscola li jmiss biex jgħinek tħejji ruħek.
