internal link icon Euroscola

PROGRAMM u SUĠĠETTI

Programm tal-ġurnata

Euroscola jikkombina kemm l-attendenza fiżika, direttament fl-emiċiklu tal-Parlament Ewropew fi Strażburgu kif ukoll online, permezz ta’ streaming dirett u pjattaformi online interattivi.

Il-programm ta’ filgħodu ta’ Euroscola jinkludi ftuħ uffiċjali mill-President tal-Parlament, sessjoni ta’ mistoqsijiet u tweġibiet ma’ Viċi President, u “Laboratorju tal-Innovazzjoni” fejn l-istudenti jaqsmu l-ideat tagħhom ma’ espert tal-Parlament Ewropew dwar is-suġġett tas-sessjoni, li se jitressaq għal votazzjoni finali. Jistgħu jiġu mistiedna wkoll mistednin speċjali. Il-parteċipanti huma mħeġġa jistaqsu mistoqsijiet, permezz ta’ vidjo dirett fuq Interactio għall-istudenti online, direttament fl-emiċiklu għall-istudenti preżenti fil-Parlament Ewropew fi Strażburgu jew bil-miktub permezz ta’ Slido għat-tipi kollha ta’ parteċipanti. Is-sessjoni ta’ filgħodu ddum mill-10.00 am san-12.30 pm.

Il-programm ta’ waranofsinhar se jkun offrut biss lill-parteċipanti fuq il-post. Din il-parti se tkun iddedikata għal logħba ta’ simulazzjoni dwar il-proċedura leġiżlattiva tal-Unjoni Ewropea.

Ara l-programm u aktar dettalji biex tieħu l-aħjar mill-esperjenza tiegħek ta’ Euroscola!

Programme 24/01/2025 Programme 28/01/2025 Programme 07/02/2025 Programme 14/03/2025 Programme 20/03/2025