Riżorsi tat-tagħlim

Permezz tar-riżorsi tat-tagħlim tiegħu, il-Parlament Ewropew jappoġġja lill-edukaturi formali u mhux formali biex jgħinu liż-żgħażagħ jiżviluppaw l-għarfien tagħhom dwar il-pedamenti tal-Unjoni Ewropea, flimkien mal-fehim tagħhom ta’ dak li jagħmel u jirrappreżenta l-Parlament Ewropew.

Dan is-sett ta’ metodi ta’ tagħlim u lezzjonijiet lesti għall-użu, imfassla għaż-żgħażagħ ta’ bejn il-11 u l-24 sena, tfassal ma’ esperti edukattivi, u se jippermetti lill-istudenti jesploraw, jirriflettu u jikkollegaw mal-ħajja demokratika.

F’din il-paġna se ssib perkorsi ta’ tagħlim differenti biex jiggwidaw liż-żgħażagħ pass pass, mill-fehim tal-elementi bażiċi tat-teħid tad-deċiżjonijiet tal-UE sal-litteriżmu medjatiku u l-baġit fit-tul tal-UE. Il-perkorsi għandhom l-għan li jagħmlu d-demokrazija Ewropea aktar konkreta u eqreb lejn il-ħajja ta’ kuljum.

1. Manwal tal-edukaturi

   Dan il-manwal għandu jgħinek torjenta ruħek malajr u ssib il-materjal it-tajjeb li jikkorrispondi l-aktar mal-bżonnijiet tiegħek, mal-etajiet tal-istudenti tiegħek, mal-għarfien li jkollhom minn qabel u mal-kuntest edukattiv tagħhom.

   • Manwal tal-edukaturi
   • Staqsi mistoqsija tal-bidu: kards li jqanqlu djalogu

2. Perkors Nru 1: Għalfejn jikkooperaw il-pajjiżi tal-UE?

   Iffoka fuq l-istorja tal-Unjoni Ewropea u l-valuri ċentrali li hija msejsa fuqhom. Il-mistoqsija gwida ta’ dan il-perkors hija: Għalfejn jikkooperaw il-pajjiżi tal-UE?

   • Manwal ta’ Perkors Nru 1
   • Attività ewlenija 1.A: It-taħbila “Il-valuri tagħna”
   • Attività ewlenija 1.B: Logħba edukattiva (il-valuri tal-UE) – linji gwida
   • Attività ewlenija 1.B: Logħba edukattiva (il-valuri tal-UE)
   • Attività ewlenija 2: Il-logħba tal-pajjiżi tal-UE – linji gwida
   • Attività ewlenija 2: Il-logħba tal-pajjiżi tal-UE
   • Attività ewlenija 3: Mill-imgħoddi sal-lum: niskopru l-vjaġġ tal-UE – logħba edukattiva
   • Attività ewlenija 4: L-istorja Ewropea tiegħi/tagħna – folja ta’ ħidma
   • Attività ewlenija 4: L-istorja Ewropea tiegħi/tagħna – Karti
   • Attività ewlenija 5: HistoriCall - Pijunieri tal-UE: Niltaqgħu mal-Fundaturi tal-Unjoni
   • Inħarsu lil hinn 1: Lista ta’ kontroll tal-valuri individwali
   • Inħarsu lil hinn 2: Logħba ta’ pożizzjonament

3. Perkors Nru 2: Min hu responsabbli għal xiex u għaliex?

   Iffoka fuq id-distribuzzjoni tal-kompetenzi bejn l-Unjoni Ewropea u l-pajjiżi tal-UE. Il-mistoqsija gwida ta’ dan il-perkors hija: Bejn l-Unjoni Ewropea, il-pajjiżi u r-reġjuni tal-UE, min hu responsabbli għal xiex, u għaliex?

   • Manwal ta’ Perkors Nru 2
   • Attività ewlenija 1: Dwar xiex tiddeċiedi l-UE?
   • Attività ewlenija 2: HistoriCall - Il-Kronoloġija tal-Unjoni Ewropea
   • Attività ewlenija 4: Malta: lura għall-f(UE)tur
   • Attività ewlenija 5: Min għandu vuċi? – karti
   • Inħarsu lil hinn 1: Kif taħsibha? Ħarsa lejn il-futur tal-UE
   • Inħarsu lil hinn 2: Kif tidher l-UE tiegħek? – preżentazzjoni
   • Inħarsu lil hinn 2: Kif tidher l-UE tiegħek? – bord tal-logħba

4. Perkors Nru 3: Kif jittieħdu d-deċiżjonijiet fil-Parlament Ewropew?

   Iffoka fuq il-proċessi tat-teħid tad-deċiżjonijiet fl-Unjoni Ewropea u r-rwol tal-Parlament Ewropew bħala rappreżentant taċ-ċittadini. Il-mistoqsija gwida ta’ dan il-perkors hija: Kif jittieħdu d-deċiżjonijiet b’mod demokratiku fl-Unjoni Ewropea?

   • Manwal ta’ Perkors Nru 3
   • Attività ewlenija 2: Immappjar tal-proċess leġiżlattiv – Kif isiru d-deċiżjonijiet fl-UE?
   • Attività ewlenija 2: Immappjar tal-proċess leġiżlattiv – Kif isiru d-deċiżjonijiet fl-UE? – soluzzjoni
   • Attività ewlenija 3: Bingo dwar it-teħid ta’ deċiżjonijiet tal-UE
   • Attività ewlenija 4: Logħba tar-rwoli tal-Parlament Ewropew – il-vjaġġ leġiżlattiv – linji gwida
   • Attività ewlenija 4: Logħba tar-rwoli tal-Parlament Ewropew – il-vjaġġ leġiżlattiv – preżentazzjoni
   • Attività ewlenija 4: Logħba tar-rwoli tal-Parlament Ewropew – il-vjaġġ leġiżlattiv – logħba
   • Attività ewlenija 5: Il-Logħba tar-Rwoli Virtwali
   • Inħarsu lil hinn 1: Test tal-parteċipazzjoni
   • Inħarsu lil hinn 1: Għażliet ta’ parteċipazzjoni

5. Perkors Nru 4: L-effett tal-Unjoni Ewropea fuq ħajjitna ta’ kuljum

   Iffoka fuq l-effett tad-deċiżjonijiet tal-Unjoni Ewropea fuq il-ħajja ta’ kuljum taċ-ċittadini. Għaldaqstant, il-mistoqsija gwida ta’ dan il-perkors hija: X’impatt għandhom id-deċiżjonijiet tal-Unjoni Ewropea fuq ir-reġjun tiegħek u fuq il-ħajja ta’ kuljum?

   • Manwal ta’ Perkors Nru 4
   • Attività ewlenija 1: Kwiżż f’tim
   • Attività ewlenija 1: Folja tat-tweġibiet

6. Perkors Nru 5: Kif tinnaviga d-dinja diġitali

   Iffoka fuq il-bini ta’ ħiliet fil-litteriżmu medjatiku u l-fehim ta’ kif il-Parlament Ewropew jappoġġja dan, kif ukoll fuq il-ġlieda kontra d-diżinformazzjoni biex titħares id-demokrazija fl-era diġitali. Il-mistoqsija gwida ta’ dan il-perkors hija: Kif nistgħu ninnavigaw f’dinja li qed issir dejjem aktar diġitali?

   • Manwal ta’ Perkors Nru 5
   • Attività ewlenija 1: Li tiġi mqarraq – jew le? – preżentazzjoni
   • Attività ewlenija 1: Li tiġi mqarraq – jew le? – Boxxla
   • Attività ewlenija 2: HistoriCall – Trust or Trash: Skopri l-Media mil-Lenti tal-Istorja Ewropea

7. Perkors Nru 6: Il-baġit fit-tul tal-UE

   Iffoka fuq il-baġit tal-UE, kif jintefaq u r-rwol tal-Parlament Ewropew fl-adozzjoni tiegħu. Il-mistoqsija gwida ta’ dan il-perkors hija: X’inhu l-baġit tal-UE u xi prijoritajiet jiffinanzja?

   • Manwal ta’ Perkors Nru 6
   • Attività ewlenija 3: Il-logħba tar-rwoli – ninvestu f’dak li jgħodd