Lezzjonijiet attivi dwar l-Unjoni Ewropea

L-għodda edukattiva 'Europe@school - Lezzjonijiet attivi dwar l-Unjoni Ewropea' tinkludi manwal għall-għalliema u seba’ taqsimiet indipendenti. Kull taqsima fiha linji gwida u materjal biex jgħinu lill-edukaturi jgħallmu dwar temi differenti tal-UE.

1. 1. Kwiżż online dwar l-Unjoni Ewropea

   Dan il-kwiżż fih 12-il mistoqsija b'għażla multipla. Jista' jintlagħab fil-klassi jew mal-iskola kollha. M'hemmx limitu fuq l-għadd ta' parteċipanti. Tul, bejn wieħed u ieħor: 15-il minuta

   • Linji gwida għall-għalliema fuq il-kwiżż online dwar l-Unjoni Ewropea
   • Kwiżż online (dwar l-Unjoni Ewropea)

2. 2. L-Istati Membri tal-UE

   L-għan ta' din il-logħba hu li l-istudenti jiffamiljarizzaw ruħhom mal-Istati Membri tal-UE. L-istudenti jaħdmu f'timijiet biex jiddeċifraw il-kodiċi kemm jista' jkun malajr. L-għan ta' dan l-eżerċizzju hu li jqajjem il-kurżità tal-istudenti biex isiru jafu liema pajjiżi huma Stati Membri tal-UE. Tul, bejn wieħed u ieħor: 40 minuta

   • Linji gwida għall-għalliema fuq il-logħba dwar l-Istati Membri tal-UE
   • Logħba Edukattiva (Stati Membri tal-UE)
   • Preżentazzjoni (Stati Membri tal-UE)

3. 3. Storja u fatti dwar l-UE

   Din hi logħba tal-karti b'mistoqsija u tweġiba li fiha mistoqsijiet dwar l-UE u l-istorja tagħha. Il-logħba tħeġġeġ lill-istudenti jimmemorizzaw it-tweġibiet għall-mistoqsijiet u b'hekk jitgħallmu dwar l-UE huma u jilagħbu. Tul, bejn wieħed u ieħor: 40 minuta

   • Linji gwida għall-għalliema fuq il-logħba tal-karti dwar l-istorja tal-UE u l-fatti dwar l-UE
   • Storja Edukattiva (Storja tal-UE u fatti dwar l-UE)
   • Preżentazzjoni (Storja tal-UE u fatti dwar l-UE)
   • Kronoloġija tal-UE – kronoloġija tal-integrazzjoni Ewropea (tista' tiġi pprintjata) (It-trattati tal-UE)
   • Kronoloġija tal-UE – kronoloġija tal-integrazzjoni Ewropea (tista' tiġi pprintjata) (Pajjiżi)

4. 4. L-UE fil-ħajja ta' kuljum

   Din il-logħba hi ddedikata għal dawk il-mumenti li fihom l-istudenti jiltaqgħu mal-UE fil-ħajja ta' kuljum, u tinkludi eżempji konkreti ta' leġiżlazzjoni tal-UE. F'din il-logħba eliminatorja, għal kull eżempju li jingħata, l-istudenti jindikaw jekk jaħsbux li hu att leġiżlattiv tal-UE jew le. Tul, bejn wieħed u ieħor: 20 minuta

   • Linji gwida għall-għalliema fuq il-logħba dwar l-UE fil-ħajja ta’ kuljum
   • Logħba Edukattiva (L-UE fil-ħajja ta’ kuljum)
   • Preżentazzjoni (L-UE fil-ħajja ta’ kuljum)

5. 5. Il-valuri tal-UE

   Dan il-modulu jibda b'logħba "four-of-a-kind", li permezz tagħha l-parteċipanti jiskopru l-valuri tal-UE u xi eżempji konkreti ta' kif jitqiegħdu fil-prattika. Imbagħad l-istudenti jintalbu jirriflettu dwarhom b'mod kritiku permezz ta' eżerċizzju individwali. Fl-aħħar nett ikomplu jtejbu l-ħiliet demokratiċi tagħhom permezz ta' dibattitu fi klassi, b'għażla minn fost 16-il dikjarazzjoni. Tul, bejn wieħed u ieħor: 30 minuta + 10 minuti għal kull dikjarazzjoni

   • Linji gwida għall-għalliema fuq il-logħba dwar il-valuri tal-UE
   • Logħba Edukattiva (Il-valuri tal-UE)
   • Eżerċizzji ta’ dibattitu u dikjarazzjonijiet (Il-valuri tal-UE)

6. 6. Logħba tar-rwoli tal-Parlament Ewropew

   Din il-logħba tar-rwoli tpoġġi lill-istudenti tiegħek fil-pożizzjoni ta' Membru tal-Parlament Ewropew. Għal siegħa jew sagħtejn, il-klassi ssir il-Parlament Ewropew innifsu, u l-istudenti jiddiskutu kif jistgħu jindirizzaw temi attwali differenti tal-UE bħat-tisħin globali, ir-regoli dwar it-tabakk u l-possibbiltà li l-UE jkollha l-armata tagħha.

   • Linji gwida għall-għalliema fuq il-logħba tar-rwoli dwar il-Parlament Ewropew
   • Logħba Edukattiva (Logħba tar-Rwoli dwar il-Parlament Ewropew)
   • Preżentazzjoni (Logħba tar-rwoli dwar il-Parlament Ewropew)

7. 7. Litteriżmu medjatiku

   Din il-lezzjoni tinkludi eżerċizzju li jgħallem lill-istudenti kif jidentifikaw kontenut potenzjalment manipulattiv u ttihom iċ-ċans jiddiskutu kif jevitaw li jaqgħu fin-nassa. Fiha taħlita ta' preżentazzjonijiet u attivitajiet fi grupp. Tagħti wkoll ideat ibbażati fuq logħob dwar is-suġġett, kif ukoll qari ieħor suġġerit, u lista ta' organizzazzjonijiet ta' verifika tal-fatti.

   • Linji gwida għall-għalliema fuq il-parti dwar il-litteriżmu medjatiku 
   • Preżentazzjoni (Il-litteriżmu medjatiku u introduzzjoni dwar id-diżinformazzjoni)

8. 8. Manwal għall-għalliema

   Il-manwal jiddeskrivi l-kunċett tal-għodda kif ukoll l-approċċ modulari, il-metodoloġiji attivi u l-prinċipji edukattivi tagħha. Fih ukoll lista ta' riżorsi didattiċi komplementari.

   • Manwal għall-għalliema (Lezzjonijiet attivi dwar l-Unjoni Ewropea)