Ceachtanna gníomhacha faoin Aontas Eorpach

Cuimsíonn an uirlis oideachais "Europe@school" ceachtanna gníomhacha faoin Aontas Eorpach, treoir do mhúinteoirí agus seacht modúl neamhspléach. In gach modúl, tá treoirlínte agus ábhar chun cabhrú le oidí topaicí éagsúla faoin AE a mhúineadh.

1. 1. Ballstáit AE

   Is é is aidhm don chluiche seo eolas a chur ar Bhallstáit AE. Oibríonn na daltaí i bhfoirne chun an cód a scaoileadh chomh tapa agus is féidir. Tá sé mar aidhm leis an gcleachtadh fiosracht na ndaltaí a spreagadh chun a fháil amach cad iad na tíortha ar Baill de AE iad i ndáiríre. Fad measta: 40 nóiméad

   • Treoirlínte do mhúinteoirí don chluiche faoi Bhallstáit an Aontais
   • Cluiche Oideachasúil (Ballstáit an Aontais)
   • Cur i láthair (Ballstáit an Aontais)

2. 2. Stair AE agus fíricí faoi AE

   Is cluiche cártaí ‘ceist agus freagra’ é seo ina bhfuil ceisteanna faoi AE agus faoina stair. Spreagann an cluiche seo na daltaí chun freagraí na gceisteanna a chur de ghlanmheabhair agus, dá bhrí sin, eolas a fháil faoi AE agus iad ag imirt. Fad measta: 40 nóiméad

   • Treoirlínte do mhúinteoirí don chluiche cártaí faoi stair an Aontais agus fíricí faoi
   • Cluiche Oideachasúil (Stair an Aontais agus fíricí faoi)
   • Cur i láthair (Stair an Aontais agus fíricí faoi)
   • Amlíne AE - Amlíne inphriontáilte de phróiseas lánpháirtiú na hEorpa ( Conarthaí an Aontais")
   • Amlíne AE - Amlíne inphriontáilte de phróiseas lánpháirtiú na hEorpa (Tíortha)

3. 3. AE inár saol laethúil

   Tá an cluiche seo dírithe ar chásanna ina dtagann daltaí ar AE ina saol laethúil, lena n-áirítear roinnt samplaí nithiúla de reachtaíocht AE. Sa chluiche díbeartha seo, caithfidh daltaí a chur in iúl maidir le gach sampla cé acu a cheapann siad nó nach gceapann siad gur reachtaíocht AE é. Fad measta: 20 nóiméad

   • Treoirlínte do mhúinteoirí don chluiche faoin Aontas Eorpach sa saol laethúil
   • Cluiche Oideachasúil (An tAontas Eorpach sa saol laethúil)
   • Cur i láthair (An tAontas Eorpach sa saol laethúil)